Erum alveg að landa Duff

Glenn Roader, stjóri Newcastle, segir félagið vera aðeins hársbreidd frá því að landa vængmanninum knáa Damien Duff frá Chelsea og búist er við því að hann skrifi undir samning á mánudaginn ef hann stenst læknisskoðun hjá félaginu.

"Við erum mjög nálægt því að landa samningum og aðeins á eftir að fá grænt ljós frá læknunum. Ég er mjög spenntur yfir því að fá leikmann á borð við Duff í okkar raðir, því ég man eftir því þegar ég var sjálfur að spila að stuðningsmennirnir elska leikmenn á borð við Duff sem taka menn á og krydda spilamennskuna með hæfileikum sínum," sagði Roader í dag þar sem hann var staddur í Noregi að undirbúa lið sitt fyrir leikinn við Lilleström.