Við munum veita Chelsea harða keppni

Framherjinn Craig Bellamy sem nýverið gekk í raðir Liverpool, segist viss um að lið sitt hafi það sem til þarf til að veita Englandsmeisturum Chelsea verðuga samkeppni í titilbaráttunni næsta vetur.

"Við mætum Chelsea í leiknum um samfélagsskjöldinn og þó það sé kannski ekki mikilvægasti leikurinn á tímabilinu, er það kjörið tækifæri til að senda út skilaboð fyrir deildarkeppnina. Chelsea er frábært lið, en ég tel að við séum með alveg jafn sterka leikmenn í hópnum hjá okkur. Þegar ég var ungur var Liverpool alltaf að vinna titla og stundum tvöfalt - og mig dreymdi alltaf um að verða partur af slíku liði. Krafan í Liverpool er alltaf að vinna titla, þannig hefur það alltaf verið og verður alltaf," sagði Bellamy sem hélt með Liverpool á sínum yngri árum.