David O´Leary hættur hjá Aston Villa

Knattspyrnustjórinn David O´Leary og stjórn Aston Villa komust nú undir kvöld að samkomulagi um að hann léti af störfum hjá félaginu. O´Leary og stjórn félagsins komust að sameiginlegri niðurstöðu eftir fund í dag og þó ekki hafi verið greint frá ástæðu þessarar ákvörðunar í smáatriðum, er hún sögð tengjast því á beinan hátt að þorri leikmanna sendi frá sér opið bréf á dögunum þar sem þeir lýsa yfir óánægju sinni með störf stjórnarformannsins Doug Ellis.