Ronaldo er ekki til sölu

Enska úrvalsdeildarliðið Manchester United hefur nú sent út yfirlýsingu þar sem fram kemur að Portúgalinn Cristiano Ronaldo sé alls ekki til sölu. Ronaldo sjálfur hefur ítrekað lýst því yfir í fjölmiðlum að hann vilji fara til Spánar, en talsmenn félagsins taka það ekki í mál.

"Cristiano Ronaldo er ekki til sölu og það er enginn möguleiki að félagið láti hann fara. Hann er nýbúinn að skrifa undir samning til ársins 2010 og félagið ætlast til þess að hann virði þennan samning. Ekki verður hlustað á nein tilboð í leikmanninn," sagði í yfirlýsingu frá Manchester United í dag, en Real Madrid er sem kunnugt er fremst í flokki þeirra liða sem hafa hug á að krækja í hann.