Arsenal hreinsað af ásökunum

Alþjóða knattspyrnusambandið hefur gefið út tilkynningu þar sem fram kemur að rannsókn á meintum peningaþvætti úrvalsdeildarfélagsins Arsenal sé lokið. Ekkert óeðlilegt kom í ljós í rannsókninni, sem leitaðist við að koma upp um meint ólögmætt samstarf enska félagsins við belgíska félagið Beveren.

Því var haldið fram í sjónvarpsþætti fyrir nokkrum vikum að Arsenal hefði greitt belgíska félaginu undir borðið með það fyrir augum að fá unga og efnilega knattspyrnumenn í staðinn, en ekkert þótti sannað í þessum efnum og er málið nú komið út af borðinu.