Owen líklega úr leik

Englendingar hafa orðið fyrir áfalli strax í upphafi leiks gegn Svíum, en framherjinn Michael Owen hné niður meiddur á vellinum eftir um tvær mínútur. Owen virtist snúa upp á hnéð á sér og var borinn af velli. Peter Crouch tók stöðu hans í liðinu og nú standa Englendingar væntanlega á öndinni á meðan þeir bíða fregna af Owen, en ekki er hægt að segja að útlitið sé gott fyrir hann.

Owen var settur í spelku og hnéð á honum kælt, en á miðað við myndir af meiðslunum og fréttir breskra miðla, verður að teljast líklegt að þáttöku Owen á HM sé lokið.