Óttast snilli Wayne Rooney

Lars Lagerback viðurkennir að hann sé mjög smeykur við framherjann Wayne Rooney fyrir leik Svía og Englendinga um efsta sætið í B-riðli í kvöld klukkan 19. Rooney verður væntanlega í byrjunarliði Englendinga í kvöld í fyrsta skipti síðan hann meiddist fyrir tæpum tveimur mánuðum síðan.

"Rooney er sá leikmaður í enska liðinu sem er hvað óútreiknanlegastur og er gríðarlega erfiður viðureignar þegar hann fer út úr stöðu sinni. Hann er nautsterkur, leikinn og virðist hafa mjög góðan leikskilning á miðað við aldur. Annað sem er sérstakt við hann er hvað hann er vinnusamur. Hann getur átt dauðafæri í sókninni og unnið svo bolta með tæklingu í vörninni á sömu mínútu. Hann hefur ótrúlega orku og þegar menn eru að reyna að eiga við mann með þennan líkamsstyrk og þennan hraða - er nær ómögulegt að valda þá," sagði Lagerback