Geta slegið met Ítala á fimmtudag

Brasilíska landsliðið hefur alla tíð verið þekktast fyrir frábæran sóknarleik, en fari svo að liðið haldi hreinu í lokaleik sínum í riðlakeppninni á fimmtudag, getur það slegið met ítalska landsliðsins síðan árið 1990.

Ef Brassarnir ná að halda hreinu gegn Japönum á fimmtudag, yrði það fimmti leikurinn í röð á HM sem liðið fær ekki á sig mark og þær 90 mínútur myndu einnig jafna met ítalska liðsins, sem fékk ekki á sig mark í 517 mínútur í keppninni á heimavelli árið 1990.