Birmingham hyggst kæra Wigan

Forrráðamenn Birmingham, hafa í hyggju að kæra Wigan til FA fyrir að beita ekki réttum aðferðum við að reyna að fá Emile Heskey til sín. Wigan hefur undanfarið lýst yfir áhuga að fá kappann. Forráðamenn Birmingham eru ósáttir við vinnubrögð Wigan manna.

"það sem komið hefur fram af hálfu Wigan flokkast undir ólöglegar aðferðir. Það er ekki hægt að sitja undir svona vinnubrögðum. Þeir geta ekki haldið svona áfram, það kemur svo mikið rót á okkar leikmenn," sagði David Sullivan, stjórnarformaður Birmingham.

Emile Heskey er 28 ára gamall og fyrrum landsliðsmaður Englands. Hann byrjaði sinn atvinnumannaferil með Leicester og fór þaðan til Liverpool. Hann hefur verið í herbúðum Birmingham síðan 2004.