Adriano hvetur Emerson til að leika með Inter

Adriano, framherji Brasilíu og Inter á Ítalíu, hvetur landa sinn Emerson til þess að fara til Inter, fari svo að Juventus verði dæmt niður um deild. Emerson hefur áður sagt að það komi ekki til greina að spila í Ítölsku B deildinni og því ljóst að hann muni yfirgefa félagið fari svo að það verði dæmt niður um deild.

Inter menn hafa verið í sambandi við Gilmar Velez, umboðsmann Emerson, um hugsanleg kaup á leikmanninum og hefur Adriano hvatt félagið til þess að kaupa hann.