Hrósaði Arsenal í hástert

Frank Rijkaard komst í einstakan hóp manna í knattspyrnusögunni þegar hann varð aðeins fimmti maðurinn til að verða Evrópumeistari bæði sem leikmaður og þjálfari. Rijkaard hrósaði leikmönnum Arsenal fyrir baráttu sína í úrslitaleiknum í gær og sagðist hafa gert sér grein fyrir að yrði gríðarlega erfitt að brjóta vörn þeirra á bak aftur.

"Ég vissi að þetta yrði erfitt og það er ástæðan fyrir því að ég vildi ekki hlusta á að við værum sigurstranglegri. Arsenal sýndi frábæra baráttu og karakter eftir að missa mann útaf og fyrir vikið var enn erfiðara að skora hjá þeim," sagði Rijkaard, sem auk þeirra Miguel Munoz, Johan Cruyff, Giovanni Trapattoni og Carlo Ancelotti hefur nú unnið Evrópumeistaratitilinn bæði sem leikmaður og þjálfari.