Við erum meira en hálfnaðir

Arsene Wenger segir sína menn í Arsenal vera rúmlega hálfnaða með verkefni sitt gegn Real Madrid í Meistaradeildinni eftir að Arsenal vann fyrri leik liðanna í Madrid á dögunum og lítur því á það sem formsatriði að ná hagstæðum úrslitum á Highbury annað kvöld.

"Við erum meira en hálfnaðir á leið okkar í 8-liða úrslitin, en ég veit að Real mun tjalda öllu gegn okkur í síðari leiknum. Við erum hinsvegar alveg staðráðnir í að komast áfram og verðum að eiga annan toppleik til að klára dæmið. Það þýðir að við verðum að verjast vel, því á móti liði eins og Real áttu toppleik ef þú klárar varnarleikinn," sagði Wenger.