Ronaldinho spáir öðru klassísku einvígi

Framherjinn Ronaldinho hjá Barcelona, sem flestir hallast að því að sé besti knattspyrnumaður í heimi, spáir því að viðureign Chelsea og Barcelona í 16-úrslitum meistaradeildarinnar í ár fari á spjöld sögunnar sem klassísk viðureign, rétt eins og rimma þeirra í fyrra sem var sannarlega ógleymanleg.

"Þetta verður annað toppeinvígi milli tveggja frábærra liða. Báðir stjórarnir eru mjög færir á sínu sviði og þetta ættu að verða frábærir leikir. Við gátum sjálfum okkur um kennt hvernig fór í fyrra, en það er ekki eðlilegt að lenda undir 3-0 á 20 mínútum eins og kom fyrir okkur á Stamford Bridge í fyrra. Við náðum svo að skora tvö mörk, en fjórða mark þeirra gerði okkur erfitt um vik. Þetta var sannarlega einstakur leikur," sagði Ronaldinho.