Benitez ekki smeykur við Betis

Rafa Benitez, knattspyrnustjóri Liverpool, segist hvergi banginn við landa sína í Real Betis, en liðin mætast á Spáni í Meistaradeildinni annað kvöld. Benitez segir að þekking sín á spænska boltanum muni koma sínum mönnum að góðu gagni í leiknum. "Ég held að við getum hrist af okkur slenið og náð góðum úrslitum á Spáni, því við höfum ekki verið sannfærandi upp á síðkastið. Ég bý að því að gerþekkja spænsku deildina og það kemur sér vel þegar svo stutt er á milli leikja. Ég hef ekki skoðað hina riðlana gaumgæfilega, en ég veit að riðillinn okkar er þrælsterkur. Það er ekki auðvelt að fara til Spánar og sækja þrjú stig, en ég er sannfærður um að við getum það," sagði Benitez.