Vörn Neftchi einfaldlega of sterk

Skynsamur leikur Neftchi lagði grunninn að sigri liðsins gegn FH í gær, þegar Íslandsmeistararnir féllu út úr forkeppni Meistaradeildar Evrópu. FH byrjaði leikinn gegn Neftchi af krafti, og gerði harða hríð að marki deildarmeistaranna frá Azerbaídjan. Minnstu munaði að Ásgeir Ásgeirsson og Auðun Helgason skoruðu, en skallar þeirra fór naumlega yfir markið. Jón Þorgrímur Stefánsson var sprækur á hægri kantinum til þess að byrja með og tókst að koma boltanum tvisvar sinnum fyrir markið, en Allan Borgvardt rétt missti af boltanum í bæði skiptin. Neftchi komst síðan smá saman inn í leikinn og náði að ógna marki FH í þrígang. Sérstaklega var það framherjinn Tomislav Misura sem var hættulegur, en Daði Lárusson varði vel frá honum úr dauðafæri. Í evrópukeppninni hefur líkamlegur styrkur yfirleitt verið helsti styrkleiki íslenskra félagsliða sem í henni taka þátt, en leikmenn Neftchi höfðu styrkinn fram yfir leikmenn FH í þessari viðureign. Leikmenn Neftchi voru eldfljótir og spiluðu harðan varnarleik gegn leikmönnum FH, sem áttu í erfiðleikum með að láta boltann ganga hratt á milli manna.Þegar stutt var eftir af hálfleiknum var einn leikmanna Neftchi rekinn útaf fyrir að slá til Jóns Þorgríms Stefánssonar. FH sótti linnulítið það sem eftir lifði hálfleiksins en náði ekki skapa sér marktækifæri. Í seinni hálfleik þurftu leikmenn FH að skora tvö mörk til þess að eiga möguleika á því að komast áfram, þar sem Neftchi vann fyrri leikinn með tveimur mörkum gegn engu.FH hóf seinni hálfleikinn eins og þann fyrri, með mikilli pressu og komst Tryggvi Guðmundsson í ágætt færi sem markvörðu Neftchi varði vel. Neftchi komst síðan yfir með góðu marki frá Tomislav Misura, sem fór létt með að hlaupa varnarmenn FH af sér. Þetta var slysalegt mark, sem vel hefði verið hægt að koma í veg fyrir.Leikmenn FH gáfust ekki upp og reyndu hvað þeir gátu til þess að koma sér inn í leikinn aftur, en á þessum tíma var ljóst að FH þurfti að skora fjögur mörk til þess að komast áfram.Allan Borgvardt tókst að jafna leikinn fyrir FH með ágætu skoti frá vítateigslínu. Örlítill heppnisstimpill var yfir markinu, en það gaf FH von um að hægt væri gera það sem þurfti til. Leikmenn FH börðust áfram og reyndu eins og þeir gátu að bæta við mörkum en varnarmenn Neftchi varðist sóknum FH ágætlega og beindu síðan skyndisóknum, en annað mark Neftchi kom eft eina slíka.Leikmenn FH náðu aldrei almennilega undirtökunum í leiknum, þrátt fyri að vera manni fleiri allan seinni hálfleikinn. Skynsamlegur leikur Neftchi gerði leikmönnum FH erfitt fyrir og eldfljótir sóknarmenn liðsins gerðu varnarmönnum FH lífið leitt. Auðun Helgason, miðvörður FH, var að vonum ónægður í leikslok. "Þetta var einfaldlega of gott lið fyrir okkur. Leikmenn Neftchi náðu vel saman og vörðust skipulega, sérstaklega í seinni hálfleik. Það kom mér svolítið á óvart í fyrri leiknum hvað liðið var skipulagt, en að auki voru góðir einstaklingar í þessu liði sem við réðum ekki nógu vel við."