Er Pires á leið frá Arsenal?

Forráðamenn Galatasaray eru sannfærðir um að þeir muni ná að lokka til sín franska miðjumanninn Robert Pires frá Arsenal á næstu dögum. Forseti félagsins, Ozhan Canaydin, sagði að félögin væru komin langt á veg í samningaviðræðunum. "Ég get ekki sagt að samningurinn sé tilbúinn en ég tel að það séu 50/50 líkur á að hann komi til okkar," segir Canaydin. "Við erum nálægt honum. Hann hefur fengið þrjú tilboð og það síðasta er frá okkur komið. Þetta mun allt koma í ljós í lok vikunnar," bætti Canaydin við.