Benitez segir miðjuna lykilinn

Rafael Benitez, knattspyrnustjóri Liverpool, segir miðjumenn sína Steven Gerrard og Xabi Alonso vera lykilinn að því að sigra Chelsea í meistaradeildinni í kvöld. "Þeir verða að leika vel svo við eigum möguleika gegn Chelsea. Ef þeir leika vel, leikur allt liðið vel og við þurfum á öllu okkar besta að halda í kvöld. Hugmyndin er að ná að skora í leiknum og reyna að vinna hann. Við höfum leikið ágætlega gegn Chelsea í síðustu tveimur viðureignum okkar og ég veit að ég þarf ekki að hvetja menn mína frekar, þeir eru tilbúnir í þennan leik og hafa sjálfstraustið," sagði sá spænski. Leikur Chelsea og Liverpool verður í beinni útsendingu á Sýn í kvöld og hefst útsending klukkan 18:30.