Lampard kemur Chelsea yfir

Frank Lampard var nú rétt í þessu að koma Chelsea yfir gegn Bayern Munchen, í þýskalandi, í seinni leik liðanna í 8-liða úrslitum Meistaradeildarinnar. Markið var nánast endurtekning á markinu sem hann skoraði í fyrri leiknum. Joe Cole var með boltann, sendi á Lampard sem var um 10 metra fyrir utan teig, Lampard skaut og fór boltinn í Luco, varnarmann Bayern, breytti um stefnu og þaðan í netið. Lampard skoraði keimlíkt mark í fyrri leiknum, en þá skaut hann einnig í Luco og þaðan í netið. Bayern hefur þó verið mun sterkari aðilinn og eru búnir að fá 3 mjög góð færi.