Sakfelldar fyrir að brjótast um borð í hvalveiðiskip
Anahita Babaei og Elissa May Philipps voru í héraðsdómi Reykjavíkur í dag sakfelldar fyrir að brjótast um borð í hvalveiðiskip í mótmælaskyni árið 2023 og dæmdar til 200 þúsund króna sektargreiðslu auk greiðslu alls málskostnaðar. Verjandi kvennanna hyggst nú leggjast yfir dóminn með umbjóðendum sínum og taka í framhaldinu ákvörðun um hvort niðurstöðunni verði áfrýjað. Anahita kveðst ekki hafa orðið hissa á niðurstöðunni.
