Ísland í dag - Barbie getur líka átt fiskvinnslu
Áslaug Ragnarsdóttir Thorarensen er eigandi Djúpsins fiskvinnslu úti á Granda. Áslaug er reyndar líka framkvæmdastjóri, gæðastjóri og sölumaður, svo fátt eitt sé nefnt. Áslaug á engan kvóta og hefur í raun enga tengingu við sjávarútveginn. Hún hefði því ekki geta ímyndað sér fyrir nokkrum árum að hún stæði í þessum sporum - konan sem vissi ekki muninn á ýsu og þorski. Áslaug brýtur upp staðalímyndir í karllægum heimi og fær oft að heyra spurninguna: „Hvar er maðurinn þinn?“ Ísland í dag heimsótti Áslaugu úti á Granda.
