Rómantískur Arnar mun alltaf tryggja Aroni met

Aron tilkynnti í gær að hann myndi hætta í landsliðinu eftir Þjóðadeildina nú í haust, eftir að hafa fórnað sér af lífi og sál fyrir liðið í hartnær tvo áratugi og leitt það inn á tvö stórmót. 

Aron er bara þremur leikjum frá leikjameti Birkis Bjarnasonar en Ísland á sex leiki fyrir höndum í haust í Þjóðadeildinni, þann fyrsta gegn Eistlandi á Laugardalsvelli á laugardaginn.

Enn hefur ekki verið kallaður inn leikmaður fyrir Bjarka Stein Bjarkason sem er fótbrotinn og því enn færri valkostir í varnarlínu landsliðsins en áður.

Í þættinum í dag var einnig farið yfir leikina í Meistaradeild kvenna í fótbolta, þar sem fjöldi Íslendinga kom við sögu í gærkvöld, og einvígin sem Breiðablik og FH hefja í dag í Evrópubikarnum.