Dag­skráin í dag: Besta deildin og enski boltinn

Fyrsta umferð síðan Bestu deild kvenna var skipt heldur áfram í dag með tveimur leikjum úr efri hluta og einum leik í neðri hluta. Í efri hlutanum mætast FH og Stjarnan sem er sýndur í beinni útsendingu á Sýn Sport Ísland klukkan 16:20. Leikur ÍBV og nýkrýndra bikarmeistara Þróttar er sýndur klukkan 17:05 á Sýn Sport Ísland 2.

Í neðri hluta deildarinnar mætast Fram og Víkingur en bæði lið eru í harðri fallbaráttu og er því hver leikur mikilvægur til þess að halda sér uppi. Leikurinn er sýndur klukkan 17:50 á Sýn Sport Ísland 3.

Fimmta umferð ensku úrvalsdeildarinnar hefst í kvöld þegar Brentford tekur á móti Chelsea. Aðeins eitt stig skilur liðin að en Brentford er ekki enn búið að tapa leik í deildinni. Leikurinn er sýndur klukkan 18:40 á Sýn Sport.

Stórlið Bayern Munchen situr í fjórða sæti þýsku úrvalsdeildarinnar en liðið tekur á móti Union Berlin í kvöld. Gestirnir hafa ekki enn unnið leik og því eiga þeir stórt verk að vinna að taka á móti stórliði Bayern. Leikurinn er sýndur klukkan 18:20 á Sýn Sport Viaplay.

Aaron Rai og Joakim Lagegren eru á toppi BMW PGA Championships mótsins á DP World-mótaröðinni þegar fyrsti hringurinn er búinn. Það er þó nóg eftir að gerast og enn tækifæri fyrir miklar sviptingar á töflunni. Sýning á mótinu hefst klukkan 11:00 á Sýn Sport 4.