Fótbolti

Emilía hetja RB Leipzig

Aron Guðmundsson skrifar
Emilía fagnar hjá marki í leik dagsins
Emilía fagnar hjá marki í leik dagsins Vísir/Getty

Íslenska landsliðskonan í fótbolta, Emilía Kjær Ásgeirsdóttir, var hetja RB Leipzig í dag er hún skoraði bæði mörk liðsins í fyrsta sigri þess á tímabilinu í þýsku úrvalsdeildinni.

RB Leipzig tók á móti Nurnberg í 4. umferð deildarinnar og Emilía var í banastuði. Hún skoraði fyrsta mark leiksins á 20. mínútu. Það var laglegt í meira lagi, skot í fjærhornið sem hafnaði í stönginni og fór inn. 

Emilía var síðan aftur á ferðinni á 77. mínútu er hún tvöfaldaði forystu síns liðs skömmu áður en Nurnberg klóraði í bakkann. 

Mörk Emilíu dugðu þó RB Leipzig til sigurs. Um fyrsta sigur liðsins í deildinni á tímabilinu er að ræða. Kærkominn í meira lagi.

RB Leipzig vermir nú 9. sæti þýsku úrvalsdeildarinnar og er með fjögur stig eftir fjórar umferðir. 

Þýski boltinn Landslið kvenna í fótbolta Fótbolti

Mest lesið


Fleiri fréttir

Sjá meira


×

Mest lesið