Enn kynt upp í rígnum: Ekroth keyrði utan í Aron

Rígur milli Víkings og KR virðist fara vaxandi. Aron hefur kynt upp í þeim ríg með ummælum sem vakið hafa athygli.

Annars vegar fyrir leik Víkings við Borac í Sambandsdeildinni þar sem hann sagði framtíð félagsins í húfi vegna þess hve hátt boginn hefði verið spenntur upp á að komast í deildarkeppni Sambandsdeildarinnar.

Fyrir leik liðanna í vikunni frömdu einhverjir stuðningsmenn Víkings þá skemmdarverk á Meistaravöllum þar sem þeir máluðu nafn Víkings á stúkuvegg og á varamannaskýli auk þess að hella málningu víða.

Hart var barist í leiknum sem lauk með 1-1 jafntefli. Víkingur komst yfir í uppbótartíma og í blálok hans jafnaði KR.

Lögregla hafði þá afskipti af stuðningsmönnum Víkings á meðan leik stóð vegna trommuláta, en trommur eru bannaðar á vellinum samkvæmt reglum KR-inga.

Eftir að leik lauk sagði Aron meðal annars: „Þeir eru bara bensínlausir, haltrandi. Ef þeir ná að haltra í áttina að þessum titli þá bara fair play á þá. Þeir eru með besta lið á landinu á hælunum.“

Sölvi Geir Ottesen, þjálfari Víkings, sagði lítið vit í því sem Aron hefði að segja og sagði ummælin ekki svaraverð.

Aron hefur þó ekki sagt sitt síðasta og birti í sögu á Instagram-síðu sinni í gærkvöldi myndskeið af því er Oliver Ekroth hljóp heldur harkalega utan í Aron, að því er virtist viljandi, er Víkingar fögnuðu marki sínu seint í leiknum.

Myndskeiðið má sjá í spilaranum efst.