Dag­skráin í dag: Liverpool ætlar að landa fyrsta sigrinum

Það er sannkölluð fótboltaveisla á sportrásum Sýnar um helgina, með leikjum í ensku úrvalsdeildinni og Bestu deildinni, en fjörið hefst í kvöld.

Nýliðar Ipswich taka á móti Liverpool klukkan 19 en þeir hafa þegar náð í þrjú stig, með sigri á Sunderland í fyrsta leik, á meðan að Liverpool er með tvö stig eftir jafnteflin við Nottingham Forest og Newcastle.

Leikur Ipswich og Liverpool er á Sýn Sport og hefst útsending klukkan 18:40.

Í þýska fótboltanum tekur Stuttgart á móti Köln klukkan 18:30 og sá leikur er á Sýn Sport Viaplay.

Þar verður einnig hitað upp fyrir Formúlu 1 keppnina í Monza með tveimur æfingum, klukkan 10:25 og klukkan 13:55.

Þá heldur keppni áfram á Omega European Masters mótinu í Sviss, á Evrópumótaröðinni í golfi, þar sem bein útsending hefst klukkan 11:30 á Sýn Sport 4.

Upplýsingar um allar beinar útsendingar Sýnar má finna með því að smella hér.