Býður sig ekki fram gegn Infantino en býst við mót­fram­boði

Infantino hefur sætt mikilli gagnrýni eftir að hafa sett fram, án nokkurs fyrirvara eða samtals við aðildarþjóðir FIFA, áætlun um að fá inn utanaðkomandi fjárfestingu í innviðum sambandsins. 

UEFA hefur verið einna harðast í andspyrnunni gegn Infantino og þrýstu aðildarþjóðir sambandsins á hann að draga til baka áætlun sína meðal annars með því að hóta sniðgöngu á mótum á vegum FIFA. 

Horft hefur verið á Ceferin sem mögulegan eftir

mann Infantino í embætti en hann segir það ekki á döfinni hjá sér að bjóða sig fram á komandi þingi FIFA í mars á næsta ári þar sem Infantino ætlar hins vegar að bjóða sig fram til endurkjörs.

„Ég hef ekki áhuga á þessu embætti og fyrir því eru tvær ástæður,“ segir Ceferin í hlaðvarinu The Rest is Politics. 

„Ég elska UEFA og að starfa þar. Þá er trúverðugleikinn minn mun meiri ef ég segi það bara hreint út að ég hafi ekki áhuga á þessu embætti.“

Ceferin býst annað hvort við því að Infantino muni á endanum stíga til hliðar vegna skorts á stuðningi í embætti eða eiga fyrir höndum kosningabaráttu gegn öðrum frambjóðanda. 

„Ég tel að við munum vera með mótframbjóðanda gegn honum þar. Ég veit hins vegar ekki á þessari stundu hver það verður.“

Hægt er að hlusta á viðtalið við Aleksander Ceferin, forseta UEFA í The Rest is Politics, í fullri lengd hér: