KR-ingar geta ógnað ó­trú­legu af­reki Skagamanna í kvöld

KR-ingar heimsækja Framara í Úlfarsárdal í lokaleik átjándu umferðar í kvöld en leikurinn verður sýndur beint á Sýn Sport Ísland og hefst útsendingin klukkan 19.00.

Skagamenn slógu þáverandi markamet um fimmtán mörk þegar þeir skoruðu 62 mörk í 18 leikjum sínum sumarið 1993.

Síðan þá hefur engu liði tekist að skora sextíu mörk í fyrstu átján leikjunum en það gæti breyst í kvöld.

KR-liðið í Bestu deildinni í sumar er aðeins einu marki frá því að bætast í þennan afar fámenna hóp.

KR-ingar skoruðu sitt 59. mark í síðustu umferð og fengu reyndar fjölda færa til að bæta við mörkum í 1-1 jafntefli á móti FH.

Það tókst ekki og þeir eru því enn þremur mörkum frá því að jafna ótrúlegt afrek Skagamanna frá 1993.

Víkingar skoruðu tvö mörk í 2-2 jafntefli við ÍBV í gær og eru því með 58 mörk í 18 leikjum í sumar. Þeir skipa þriðja sætið á listanum yfir flest mörk í fyrstu átján deildarleikjum sumarsins.