16 ára setti vallarmet á Ís­lands­mótinu

Eftir að 15 ára kylfingur, Halldór Jóhannsson úr Keili, hafði leikið best allra á Korpunni í gær sló annar 16 ára honum við í dag.

Nýr Korpúlfsstaðavöllur blasti við keppendum mótsins þar sem ákveðnar brautir eru lengri en áður var. Þrátt fyrir vindasamt veður og erfiðar aðstæður sem komu öðrum kylfingum í koll lék hinn 16 ára gamli Hjalti Kristján Hjaltason úr GKG við hvurn sinn fingur.

Hjalti Kristján tapaði ekki höggi í dag, fékk fjóra fugla; á sjöttu, níundu, elleftu og fimmtándu braut og fékk þá örn á sjöundu braut.

Hann lék því á sex undir pari vallar sem er vallarmet á nýjum Korpúlfsstaðavelli.

Þökk sé árangrinum er Hjalti Kristján í þriðja sæti mótsins fyrir lokahringinn á þremur höggum undir pari. Hann mun því vera í holli með þeim tveimur efstu, Aroni Emil Gunnarssyni og Dagbjarti Sigurbrandssyni á lokahringnum á morgun.

Dagbjartur er með afgerandi forystu, á tíu höggum undir pari, sem höggum á undan Aroni Emil sem er höggi á undan Hjalta Kristjáni.