Troð­fullur strætó ók fram hjá Krist­rúnu sem fékk ekki pláss

Hún mun hafa verið að bíða í strætó ásamt fjölskyldu sinni. Að sögn sjónarvottsins þótti sumum í vagninum fyndið að einn æðsti ráðamaður þjóðarinnar fengi ekki pláss í strætisvagni.

Sæunn Ósk Unnsteinsdóttir sviðsstjóri hjá Almenningssamgöngum höfuðborgarsvæðisins, félagsins sem tók við rekstri strætisvagna og Borgarlínunnar í síðasta mánuði, segir að vegna álags hafi troðfullir vagnar ekki getað stoppað fyrir fólki. Til þess að bregðast við því hafi tilkynningar verið settar í appið og á miðla Strætó.

„Við þurfum skoða að grípa til aðgerða á Hinsegin dögum eins og við gerum á Menningarnótt,“ segir Sæunn sem tekur fram að í dag hafi verið keyrt á hefðbundinni helgaráætlun og engum vögnum verið bætt í leiðakerfið.

„Ef það er satt að keyrt hafi verið fram hjá Kristrúnu Frostadóttur þá er það mjög leitt, og á sama tíma jákvætt og hvetjandi fyrir ríkisstjórnina og sveitarfélögin að þau sjái að þau eru að stefna í rétta átt að flýta fyrir framkvæmdum borgarlínu og efla almenningssamgöngur yfir höfuð,“ segir Sæunn.

„Ég bara treysti því að Kristrún stigi bara beint inn í Innviðaráðuneyti og auki fjármagn til ársins,“ segir hún og hlær.