Hand­tekinn á golf­velli Trump með hlaðna byssu

Fram kemur í á vef New York Times að maðurinn hafi verið á rölti um völlinn, Trump National Golf Club,  á sunnudaginn var og virtist vera að taka ljósmyndir af öryggisvörðum á vellinum en von er á heimsókn frá Trump á völlinn í dag þar sem halda á kvöldverð til að safna fé fyrir Repúblikanaflokkinn.

Maðurinn, hinn 38 ára gamli John Teale er einnig eftirlýstur fyrir vopnað rán í nágrenninu og þegar lögregla leitaði í bíl mannsins sem lagt var á bílastæði golfvallarins fundust fleiri vopn og skotfæri. 

Að auki fannst svo á heimili mannsins árásarriffill, skothelt vesti og fleiri hlutir sem þykja benda til að Teale hafi haft eitthvað illt í hyggju en enn sem komið er í það minnsta er óljóst hvort forsetinn hafi verið sérstakt skotmark.