Þyrlur slökkvi­liðs skullu saman í miðju lofti

Tveir voru um borð í hvorri þyrlu, að sögn viðbragðsaðila í Grikklandi. Leit og björgunaraðgerðir eru hafnar. Á myndskeiði má sjá aðra þyrluna hrapa til jarðar í ljósum logum.

Yfirvöld hafa ekki veitt upplýsingar um ástand áhafnarinnar. 

Eldurinn kviknaði á föstudag og byrjaði fljótt að breiðast út. Það er metið að um fjörutíu til fimmtíu ferkílómetrar lands hafi þegar brunnið. 

Eldar loga einnig á fleiri stöðum í Grikklandi, þar á meðal á Krít þar sem tveir slökkviliðsmenn létust í vikunni. 

Slökkviliðsmenn í Evrópu hafa síðustu vikur barist við skógarelda á þremur helstu vígstöðvum: vindar hafa blásið eldunum lengra inn á svæðið í kringum Aþenu, í Frakklandi hafa skógareldar skilið eftir sig sviðna jörð sem er um fjórum sinnum stærri en París en á Spáni hafa slökkviliðsmenn náð tökum á eldunum.

Aldrei hafa gróðureldar verið jafn slæmir í Evrópu og í fyrra þegar tíu þúsund ferkílómetrar urðu eldi að bráð, sem jafngildir um 1/10 hluta af flatarmáli Íslands. 

Það er fréttastofan AP sem greinir frá og rifjar upp að mannskæðustu eldar álfunnar á þessari öld urðu í Grikklandi árið 2018 þegar 104 létust.

Fréttin verður uppfærð.