Innlent

Fórnuðu gúmmí­stíg­vélunum við að slökkva sinueld á Ströndum

Samúel Karl Ólason skrifar
Töluverður vindur var á Ströndum í gær og dreifði eldurinn nokkuð hratt úr sér.
Töluverður vindur var á Ströndum í gær og dreifði eldurinn nokkuð hratt úr sér. Jón Steinar

Sinueldur kviknaði á friðlandi á Ströndum í gær en hann hefur verið tilkynntur til lögreglu. Eldurinn kviknaði á friðlandi Dranga, sem var friðlýst árið 2021, en þeir sem slökktu eldinn segja mögulegt að hann hafi kviknað út frá sígarettu. Útlit sé fyrir að hann hafi fyrst kviknað við vörðu sem markar leiðina yfir Drangaháls.

Gönguhópur hafði farið þar um skömmu áður en eldurinn sást.

Guðmundur Hrafn Arngrímsson, sem er á Dröngum og slökkti eldinn með Jóni Steinari Guðmundssyni, segir það hafa verið erfitt fyrir þá frændur að slökkva eldinn en það tók um tvo tíma.

Bæði var hvasst á svæðinu og þá hafði eldurinn legið djúpt í mosarótum og sífellt blossað upp á nýjan leik.

Við slökkvistörfin fórnuðu þeir Guðmundur og Jón hinum klassíska strandaskófatnaði, gúmmístígvélunum, í verkefnið.

Í heildina segir Guðmundur að um fimm til sex hundruð fermetrar hafi brunnið en mun stærra svæði hefði líklega brunnið hefðu þeir Jón ekki slökkt eldinn. Hann hefði bæði getað haldið áfram í gróðrinum og náð í mikinn rekavið sem var í fjörukambinum fyrir neðan svæðið sem brann.

Eldurinn hefði getað náð í mikið af rekavið í fjörunni.Jón Steinar
Glóðir loguðu í jörðinni og blossaði hann oft upp aftur, eftir að frændurnir töldu sig hafa slökkt hann.Jón Steinar
Eftir að búið var að slökkva eldinn.Guðmundur Hrafn
Eldurinn kviknaði nærri vörðu sem markar gönguleiðina yfir Drangaháls.Guðmundur Hrafn
Árneshreppur Gróðureldar

Mest lesið


Fleiri fréttir

Sjá meira


×

Mest lesið