Lést er hún fagnaði sigri Frakka

Frakkland bar sigur úr býtum gegn Marokkó og er liðið komið í undanúrslit heimsmeistarakeppninnar. Sigrinum var fagnað víða um Frakkland og voru þúsundir lögreglumanna að störfum.

Stúlkan var ein þeirra sem fögnuðu í borginni Aulnoye-Aymeries, sem er um tuttugu kílómetrum frá landamærum Frakklands og Belgíu. Hún féll úr vörubíl og lenti undir bílnum. Hún var úrskurðuð látin á vettvangi.

Ökumaður vörubílsins er í haldi lögreglu samkvæmt The Guardian. Annað ungmenni sem varð vitni að atvikinu varð fyrir miklu áfalli og var flutt á sjúkrahús.