Vörðust Diljá í mögu­lega síðasta leik í sögu fé­lagsins

Brann varð að sætta sig við markalaust jafntefli við Lilleström í dag en er engu að síður með 32 stig á toppi deildarinnar, sjö stigum á undan Aalesund sem á þó leik til góða eftir sumarfríið sem nú tekur við í deildinni.

Brann-konur eru ekki komnar í frí því þær spila í undanúrslitum bikarkeppninnar gegn Viking á laugardaginn.

Lilleström er í 7. sæti deildarinnar en samkvæmt norska ríkismiðlinum NRK rambar félagið á barmi gjaldþrots og því er alls kostar óvíst að það mæti aftur til leiks eftir sumarfríið.

Lilleström hefur lengi glímt við fjárhagsvandræði og ræður nú ekki lengur við að greiða af skuldum sínum. Eftir ítrekaðar björgunaraðgerðir virðist félagið nú ekki geta haldið lengur áfram.

„Við verðum bráðum uppiskroppa með peninga og það hefur verið tilkynnt innan okkar raða. Við þurfum á því að halda að einhver taki yfir keppnisleyfið okkar ef þetta á að halda áfram,“ hefur framkvæmdastjórinn Erlend Eidhammer sagt við TV 2.