Innlent

Hólm­steinn kominn úr tunnunni og á fast land

Sigurgeir Þorkelsson skrifar
Hólmsteinn er hér kominn í körfuna og er á leið á fast land á ný. Áhafnarmeðlimur kannar ástand körfunnar.
Hólmsteinn er hér kominn í körfuna og er á leið á fast land á ný. Áhafnarmeðlimur kannar ástand körfunnar. Skjáskot/Vísir

Hólmsteinn Harðarson hefur yfirgefið hvalveiðiskipið Hval 9. Hann hafði þar komið sér fyrir í tunnu í mastri skipsins á öðrum tímanum í dag til að mótmæla fyrirhuguðum hvalveiðum.

Skipið lagði að bryggju í Hvalfirði laust fyrir klukkan átta í kvöld og beið þar körfubíll sem kom aðvífandi þegar það lagði að. Í rúman klukkutíma reyndi maður í körfu körfubílsins að tala Hólmstein niður úr tunnunni. Það bar að lokum árangur um klukkustund síðar og hefur Hólmsteinn nú yfirgefið skipið.

Ekki er vitað hvað fór milli körfumannsins og Hólmsteins en Hólmsteinn faðmaði hann að sér þegar niður á jörðu var komið. Samkvæmt heimildum Vísis er körfumaðurinn lögregluþjónn. Það er þó ekki staðfest og var maðurinn ekki einkennisklæddur.

Fréttin er í vinnslu

Hvalveiðar Hvalir

Mest lesið


Fleiri fréttir

Sjá meira


×

Mest lesið