Atvinnulíf

Sumarfrísdagur númer átta mesta sælan

Rakel Sveinsdóttir skrifar
Jákvæðu áhrif sumarfrís mælast hratt fyrstu dagana og ná hámarki á áttunda degi miðað við hollenska rannsókn sem gerð var hér um árið. En kannski að spurningin snúist ekki um dagafjöldann, heldur það hvernig við erum að upplifa fríið okkar? 
Jákvæðu áhrif sumarfrís mælast hratt fyrstu dagana og ná hámarki á áttunda degi miðað við hollenska rannsókn sem gerð var hér um árið. En kannski að spurningin snúist ekki um dagafjöldann, heldur það hvernig við erum að upplifa fríið okkar?  Vísir/Vilhelm

Púsluspilið fyrir sumarið er hafið. Sumir miða við að taka sér nokkur stutt frí, lengja helgar eða taka dag og dag. Sumir taka út frí í nokkrar vikur. Sumir skipta á milli sín skólafrístíma barna og fleira mætti telja til.

Allir hlakka til og öll vitum við að gott sumarfrí er gulls ígildi.

Það hvernig best er að skipuleggja sumarfríið sitt er alls ekkert meitlað í stein. Því þessu tengt er bæði hægt að finna niðurstöður rannsókna sem rökstyðja að stutt frí geti gert sama gagn og lengri frí og eins má gera ráð fyrir að fólk upplifi á mismunandi hátt hvers konar útfærsla er „besta“ fríið.

Niðurstöður hollenskrar rannsóknar sýna að sumarfríin okkar ná hápunkti eins og gengur og gerist í öðru. Og að samkvæmt þessari rannsókn mælast jákvæðu áhrif sumarfrís mest á áttunda degi frísins.

Þetta þýðir ekki að áttundi dagurinn sé endilega skemmtilegasti dagurinn. Heldur einfaldlega sá dagur þar sem jákvæðu áhrif frísins mælast mest.

Tekið skal fram að hér var eingöngu verið að rannsaka áhrif sumarfría á heilsu og vellíðan fólks, miðað við að sumarfrí væri tekið í það minnsta í tvær vikur samfleytt.

Jákvæðu áhrifin mældust hratt fyrstu dagana, náðu hámarki á áttunda degi en minnkuðu fljótt þegar fólk sneri aftur til vinnu. Innan fyrstu vinnuvikunnar var vellíðan flestra aftur orðin svipuð og hún var fyrir fríið.

Að ná sem mestu út úr fríinu snýst þó reyndar ekki um dagafjöldann. Heldur það hvernig fólk upplifir fríið sitt. Til dæmis sýna niðurstöður rannsóknarinnar að þátttakendur sem upplifðu meiri slökun, ánægju, frelsi til að stjórna tíma sínum sjálfir og gátu notið augnabliksins upplifðu mestan ávinning af fríinu. Góður svefn tengdist einnig bættri líðan.

Kannski er því mikilvægasta spurningin ekki hversu langt sumarfríið er, heldur hvort okkur tekst í raun að vera í fríi á meðan það stendur yfir?

Geðheilbrigði Heilsa

Tengdar fréttir

Ekki flaska á að undirbúa sumarfríið þitt í vinnunni

Við erum oft svolítið upptekin af því að klára allt sem þarf að klára fyrir sumarfrí. Og fáum síðan jafnvel samviskubit yfir því ef okkur tekst ekki að klára allt á verkefnalistanum áður en við förum.

Gott að muna fyrir sumarfríið

Það eru margir að hefja sumarfríið sitt núna. Og stór ferðahelgi framundan. Nú er bara að semja við veðurguðina um gott veður en eins er ágætt síðasta daginn í vinnunni að klára það helsta fyrir fríið.

Vont veður ömurlegt nema fyrir vinnuveitendur

Veður hefur áhrif á okkur. Við erum í sólskinsskapi á sumrin þegar veðrið er gott og sólin skín. En finnst kannski erfiðara að bretta upp ermar og gera hlutina þegar veðrið er vont, myrkur, snjór og kuldi eins og einkennt hefur veðrið síðustu daga.



Mest lesið


Fleiri fréttir

Sjá meira


×

Mest lesið