Var­kár Van Dijk vill ekki sjá vatnspásur

FIFA segir um drykkjarhlé að ræða fyrir leikmenn vegna þess mikla hita sem spáð var að gæti orðið á sumum leikjum á HM.

Sjónvarpsstöðvar fengu hins vegar í kjölfarið leyfi til að nýta hléin til að sýna auglýsingar, þó að RÚV nýti þau ekki, og hléin hafa virst tilgangslaus í flestum leikjum hingað til þar sem hitinn hefur alls ekki verið yfirgengilegur.

„Mér finnst drykkjarpásur mjög áhugaverðar,“ sagði Van Dijk á blaðamannafundi eftir 2-2 jafntefli Holland við Japan í fyrstu umferð riðlakeppninnar.

„Ég hef auðvitað horft á nánast alla leikina fram að þessu. Mér finnst það svolítið, ekki eitthvað sem ég fíla, að það sé alltaf farið í auglýsingar.

Ég held að fyrir hlutlausa sjónvarpsáhorfendur sé það heldur ekki frábært. Þannig að ef það er mjög heitt væri gott að hafa þær, en ég held að það þurfi að skoða það í hverjum leik fyrir sig, að mínu mati.

En ég held að ég hafi þegar sagt nóg um það,“ sagði Van Dijk og vildi greinilega ekki tala af sér.