Ögmundur laus allra mála hjá Val

Valsmenn greindu frá starfslokum Ögmundar í færslu á samfélagsmiðlum í morgun en hann hafði verið á mála hjá liðinu síðan um mitt tímabil árið 2024. 

Ögmundur var samningsbundinn Val út tímabilið 2027 en ekki í plönum Hermanns Hreiðarssonar sem tók við sem þjálfari Vals fyrir yfirstandandi tímabil og hefur því ekkert spilað upp á síðkastið. 

Þrátt fyrir að hafa lítið sem ekkert spilað fyrir Val upp á síðkastið var Ögmundur í landsliðshópi Íslands gegn Japan á dögunum. 

Ríkjandi Íslandsmeistarar Víkings Reykjavíkur eru í leit að markmanni eftir að Ingvar Jónsson greindist með krabbamein og hefur það spurst út að Ögmundur gæti gengið í raðir félagsins.

Ögmundur, sem á að baki feril sem atvinnu- og landsliðsmaður, spilaði aðeins ellefu leiki í efstu deild fyrir Val.