Viðskipti innlent

Engar hóp­upp­sagnir í apríl

Atli Ísleifsson skrifar
Frá skrifstofu Vinnumálastofnunar.
Frá skrifstofu Vinnumálastofnunar. Vísir/Vilhelm

Engin tilkynning um hópuppsögn barst Vinnumálastofnun í apríl síðastliðinn.

Þetta kemur fram í tilkynningu frá Vinnumálastofnun.

Alls bárust þrjár tilkynningar um hópuppsagnir í mars 2026, þar sem níutíu starfsmönnum var sagt upp störfum, Flestir þeirra sem sagt var upp störfum störfuðu við mannvirkjagerð, alls sextíu starfsmenn. 

Að auki var þrjátíu starfsmönnum sagt upp á sviði verslunar. Umræddar uppsagnir koma flestar til framkvæmda á tímabilinu maí 2026 til júlí 2026.

Með hópuppsögn er átt við uppsagnir atvinnurekanda á fastráðnum starfsmönnum þar sem fjöldi starfsmanna sem sagt er upp á þrjátíu daga tímabili er að minnsta kosti 10 starfsmenn í fyrirtækjum sem venjulega hafa 21-99 í vinnu, minnst 10% starfsmanna í fyrirtækjum með 100-299 í vinnu eða minnst 30 starfsmenn þar sem venjulega eru 300 eða fleiri.

Vinnumarkaður


Mest lesið


Fleiri fréttir

Sjá meira


×

Mest lesið