Eftir­för endaði í al­var­legu bíl­slysi á Reykja­nes­braut

Varðstjóri slökkviliðsins á höfuðborgarsvæðinu segir að þrír hafi verið fluttir á slysadeild. 

Hið minnsta tveir bílar sjást á myndskeiði sem fréttastofu barst af vettvangi talsvert illa leiknir. Báðir bílarnir höfðu hafnað utan vegar og einum hafði verið ekið utan í tré við vegkantinn.

Varðstjórinn kvaðst ekki getað tjáð sig um þátt lögreglu í aðgerðinni og ekki hafa fengist upplýsingar frá lögreglu vegna málsins.

Sjónarvottar lýsa því við Vísi að lögreglan virtist hafa veitt bíl eftirför úr Hafnarfirði. 

Á einu myndskeiði sem Vísir fékk sent virðist lögreglan elta ljósan fólksbíl sem er ekið er á mikilli ferð upp frárein af Reykjanesbraut. Þegar ökumaður virðist reyna að taka fram úr öðrum bíl á fráreininni rekst hann í þriðja bílinn, sem hafnar svo utan vegar.  

Ljósi bíllinn hafnar síðan sjálfur á tré á umferðarslaufunni. Myndir af vettvangi sýna mikið tjón á bílnum.