Innlent

Myndaveisla: Verkalýðsdagurinn haldinn há­tíð­legur

Freyja Þórisdóttir skrifar
Skilgreiningin á blásturshljóðfæri er „hljóðfæri sem blásið er í gegnum til að mynda hljóð“. Meðal vinsælla blásturshljóðfæra eru básúna, trompet og saxófónn en annað vanmetið blásturshljóðfæri er okkarínan. Myndina prýðir Lúðrasveit Verkalýðsins.
Skilgreiningin á blásturshljóðfæri er „hljóðfæri sem blásið er í gegnum til að mynda hljóð“. Meðal vinsælla blásturshljóðfæra eru básúna, trompet og saxófónn en annað vanmetið blásturshljóðfæri er okkarínan. Myndina prýðir Lúðrasveit Verkalýðsins. Vísir/Viktor Freyr

Verkalýðsdagurinn er venju samkvæmt haldinn hátíðlegur víða um land í dag, 1. maí. Það var meðal annars haldinn baráttufundur verkalýðsfélaga á Ingólfstorgi, kröfuganga niður Skólavörðustíginn og verkalýðskaffi í Iðnó. Á Selfossi var dagskráin engu síðri. 

Blíðviðri lék við landsmenn á suðvesturhorninu og sú gula lét sig ekki vanta en myndaveislu frá Reykjavík og Selfossi má sjá hér að neðan:

Sólveig Anna Jónsdóttir, núverandi formaður Eflingar, „fótobombaði“ þessa hressu kröfugöngukrakka á leið sinni niður Skólavörðustíginn.Vísir/Viktor Freyr
Lögreglan var sýnileg í miðbænum í dag, sumir á skriðdrekum en aðrir á tveimur jafnfljótum.Vísir/Viktor Freyr
Felix Bergson lét sig ekki vanta á útifund sem haldinn var á Ingólfstorg í dag. Vísir/Viktor Freyr
Fjöldinn allur af mismunandi fánum blakti í blíðunni en það viðraði vel í tilefni verkalýðsdagsins.Vísir/Viktor Freyr
Það voru engin aldurstakmörk sett á dagskrá Verkalýðsdagsins í Reykjavík, allir velkomnir.Vísir/Viktor Freyr
Halla Gunnarsdóttir tók við embætti formanns VR í desember árið 2024 en hún ávarpaði lýðinn sem safnast hafði saman á Ingólfstorgi í dag. Vísir/Viktor Freyr
Eflingar fáninn er ýmist hvítur með þremur rauðappelsínugulum línum eða rauðappelsínugulur með þremur hvítum línum. Ef Efling væri með fótboltalið er spurning hvort heima- eða útibúningurinn myndi skarta sömu litum?Vísir/Viktor Freyr
Í Reykjavík voru menn á mótorhjólum en á Selfossi mátti sjá knöpum bregða fyrir á íslenskum fákum.Vísir/Viktor Freyr
Leikhópurinn Lotta hefur brugðið sér í allra kvikinda líki og gerðu það með glæsibrag á Selfossi í dag.Vísir/Viktor Freyr
Gestir á Hótel Selfossi voru þess heiðurs aðnjótandi að fylgjast með þeim Rannveigu Helgu Kjartansdóttur og Erni Hreinssyni frá Tónsmiðju Suðurlands flytja tónlistaratriði.Vísir/Viktor Freyr
Verkalýðsdagurinn Reykjavík Ölfus Samkvæmislífið

Mest lesið


Fleiri fréttir

Sjá meira


×

Mest lesið