Bein út­sending: Staða orku­mála vegna stríðs­á­taka í Mið-Austurlöndum

Jónas Hlynur Hallgrímsson forstöðumaður og Egill Tómasson, sérfræðingur hjá Viðskiptagreiningu og Þróun markaða, munu fara yfir það hver áhrif nýliðinna atburða eru á bæði Evrópu og Ísland.

„Átökin og það alvarlega ástand sem þeim fylgir hafa vakið miklar umræður um gas- og raforkumarkaðinn í Evrópu, sem og ETS-kerfið. Leiðtogar Evrópu hafa lagt til ýmsar aðgerðir til að bregðast við vandanum,“ segir í fréttatilkynningu um fundinn.

Þar segir einnig að átökin í Mið-Austurlöndum hafi haft víðtæk áhrif, langt fyrir utan átakasvæðið sjálft.

„Mikil orkuvinnsla er á svæðinu og í eðlilegu árferði er olía og gas flutt um Hormússund. Sundið hefur hins vegar að mestu verið lokað frá því að átökin hófust. Þetta hefur sett olíu- og gasmarkaði í uppnám og áhrifin hafa m.a. komið fram í hærri húshitunarkostnaði og raforkuverði í Evrópu. Áhrifin eru mismunandi milli landsvæða eftir því hversu háðar þjóðir eru gasi til hitunar og raforkuvinnslu. Þau birtast með takmörkuðum hætti á Íslandi vegna nýtingar jarðvarma og 100% endurnýjanlegs raforkukerfis.“

Fundurinn hefst sem áður segir klukkan 11:00 og hann má sjá í beinni útsendingu í spilaranum hér að neðan: