Meistararnir á toppnum fyrir lokaslaginn

Haukar hafa þó ekki tryggt sér deildarmeistaratitilinn og ljóst að það verður mikil spenna á miðvikudagskvöld þegar liðið mætir KR í lokaumferðinni.

Bæði KR og Njarðvík eru tveimur stigum á eftir Haukum sem eru með betri innbyrðis úrslit gegn Njarðvík en hafa unnið einn og tapað einum leik gegn KR.

Haukar lentu 21-14 undir í fyrsta leikhluta í kvöld en sneru taflinu sér í vil í öðrum leikhluta sem liðið vann með miklum mun, 31-9, og tókst gestunum úr Grindavík aldrei að hleypa mikilli spennu í leikinni eftir það.

Þóra Kristín Jónsdóttir var frábær fyrir Hauka með 8 stig, 8 stoðsendingar og 9 fráköst en Amandine Justine Toi var stigahæst með 27 stig og Tinna Guðrún Alexanderdóttir skoraði 25.

Hjá Girndavík voru þær Isabella Ósk Sigurðardóttir, Ólöf Rún Óladóttir og Abby Beeman með 15 stig hver en auk þess reif Isabella til sín heil 18 fráköst og Beeman átti 11 stoðsendingar, en alla tölfræðina má nálgast hér.