Fá­skrúðs­fjarðar­göngin opin á ný

„Það virðist einn bíll hafa lent í óhappi og göngunum var lokað í kjölfarið,“ segir Kristján Ólafur Guðnason, yfirlögregluþjónn hjá lögreglunni á Austurlandi. 

Í fréttatilkynningu frá lögreglunni segir að bifreið hafi oltið í göngunum.

„Ökumaðurinn, sem var einn í bifreið sinni, hefur verið fluttur til aðhlynningar á sjúkrastofnun, ekki talinn alvarlega slasaður,“ segir í fréttatilkynningunni.

Á vefsíðu Vegagerðarinnar, umferðin.is, má sjá að göngunum var lokað tíu mínútur í níu í morgun. Göngin voru opnuð á ný um klukkan hálf ellefu.

Fréttin hefur verið uppfærð.