Fresta leik á Króknum vegna veðurs

Gul veðurviðvörun er í gildi á Vesturlandi og Norðurlandi vestra og varasamt ferðaveður í dag og út nóttina, samkvæmt Veðurstofu Íslands.

Leiknum hefur því verið frestað þar til á morgun og mætast liðin klukkan 16:30.

Eini leikur kvöldsins í Bónus-deildinni er því á milli Stjörnunnar og ÍA. Eftir leiki gærkvöldsins er ljóst að Skagamenn falla niður í 1. deild en Stjarnan getur með sigri í kvöld jafnað Tindastól að stigum, í bili að minnsta kosti.

Leik Selfoss og Þórs Akureyri í lokaumferð 1. deildar karla, sem fram átti að fara í kvöld, hefur einnig verið frestað, samkvæmt vef KKÍ, en ekki liggur fyrir hvenær hann verður spilaður.

Þessi sömu félög áttu að mætast í gærkvöld í 1. deild kvenna en Þórskonur mættu ekki í þann leik, þar sem ekki var talið áhættunnar virði að ferðast suður, og var þeim því dæmt 20-0 tap.