Innlent

Þyrlan kölluð út vegna slasaðrar konu

Silja Rún Sigurbjörnsdóttir skrifar
Þyrla Landhelgisgæslunnar var kölluð út.
Þyrla Landhelgisgæslunnar var kölluð út. Vísir/Vilhelm

Þyrlusveit Landhelgisgæslunnar og þrjár björgunarsveitir voru ræstar út vegna konu sem slasaðist á Landmannaleið. Hún verður flutt á Landspítalann.

Þetta staðfesta Ásgeir Erlendsson, upplýsingafulltrúi Landhelgisgæslunnar, og Jón Þór Víglundsson, upplýsingafulltrúi Landsbjargar.

Ásgeir segir að þyrlusveitin hafi lagt af stað rétt fyrir klukkan tvö vegna konu sem slasaðist. Björgunarsveitirnar voru þegar komnar á vettvang en talið var tilefni til að kalla út þyrluna. Konan verður flutt á Landspítalann og er þyrlan nú á leiðinni.

Að sögn Jóns Þórs voru björgunarsveitirnar Dagrenning á Hvolsvelli, Flugbjörgunarsveitin á Hellu og Sigurgeir í Árnessýslu kallaðar út.

Landhelgisgæslan Björgunarsveitir Rangárþing ytra

Mest lesið


Fleiri fréttir

Sjá meira


×

Mest lesið