Heiðin lokuð frá Blöndu­ósi: Biðja „ALLA“ um að halda sig heima

„Við biðjum ALLA um að halda sig heima og fara alls ekki af stað,“ skrifar lögreglan í færslu á Facebook en viðbragðsaðilar hafa haft í nógu að snúast í dag þar sem norðanhríð skekur landið.

Vegargerðin greinir frá því að vegkaflanum hafi verið verið lokað að beiðni lögreglu og að ólíklegt þyki að vegirnir opni aftur í kvöld. 

„Fyrir þá sem eru í Staðarskála á leiðinni suður er verið að moka Laxárdalsheiði og verður fært þar yfir fljótlega,“ segir í færslu á umferðarvef Vegagerðarinnar.

Gular veðurviðvaranir eru í gildi til klukkan 23 á norðvesturhorni landsins og hefur fjöldi fólks lent í umferðaróhappi. Fyrr í dag fór rúta út af vegi á Holtavörðuheiði. Talsmaður Landsbjargar segir að á annan hundrað björgunarmanna hafi verið ræstir út vegna veðurst síðasta tæpa sólarhring.

Fréttin verður uppfærð.