Innlent

Tíu manns í á­rekstri á Suður­landi

Agnar Már Másson skrifar
Þyrlan er mætt á vettvang á Biskupstungnabraut. Fólksbíllinn virðist vera kominn út af veginum.
Þyrlan er mætt á vettvang á Biskupstungnabraut. Fólksbíllinn virðist vera kominn út af veginum. Aðsend

Að minnsta kosti tveir eru slasaðir eftir að tíu manns lentu í umferðarslysi á Biskupstungnabraut norður af Borg í Grímsnesi eftir hádegi í dag, þegar árekstur varð milli smárútu og fólksbíls. Þyrla Landhelgisgæslunnar er á vetvangi og hópslysaáætlun hefur verið virkjuð.

Þorsteinn M. Kristinsson, aðalvarðstjóri á Suðurlandi, segir við Vísi að árekstur hafi orðið milli smárútu og fólksbíls á Biskupstungnabraut rétt sunnan við Laugarvatnsveg. Hópslysaáætlun hafi verið virkjuð.

Samtals séu tíu í slysinu og þar af tveir slasaðir. Ekki liggur fyrir hvert hinir slösuðu verða fluttir en til greina kemur að fljúga með þá á Landspítalann í Reykjavík. Óljóst er hvort fleiri verði fluttir.

Veistu meira um málið? Þú getur sent okkur fréttaskot hér eða sent okkur línu á ritstjorn@visir.is.

„Vinna er enn á vettvangi. Hver verður fluttur hvert liggur ekki fyrir. En allar bjargir eru á staðnum; sjúkrabílar, slökkvilið og þyrlan,“ segir Þorsteinn við Vísi.

Tilkynning um slysið barst rétt fyrir klukkan 14 í dag. Þyrla Landhelgisgæslunnar er komin á vettvang, auk sjúkraflutningsmanna og lögreglumanna.

Fréttin verður uppfærð þegar frekari upplýsingar liggja fyrir.

Þyrlan tók á loft upp úr 14.30 og er komin á vettvang í nágrenni við Apavatn.Skjáskot/ADSBE
Lögreglumál Grímsnes- og Grafningshreppur

Mest lesið


Fleiri fréttir

Sjá meira


×

Mest lesið