Sleit hásin í sumar og er núna með sárs­auka­full út­brot

Rick Carlisle, þjálfari Indiana Pacers, staðfesti fjarveru Haliburton sem sló í gegn á ævintýralegu tímabili Pacers síðasta vetur.

Haliburton hefur ekki spilað á þessu tímabili vegna hásinarslita sem hann varð fyrir í sjöunda leik í lokaúrslitum NBA á síðasta ári, en hann hefur samt sem áður verið á bekk liðsins meðan á leikjum stendur.

„Þetta er mjög sársaukafullt,“ sagði Rick Carlisle við fréttamenn.

„Hann mun ná sér að fullu, en þetta gerðist á síðustu dögum. Hann ætlaði að hitta okkur í D.C. og var með undarleg einkenni og kom því aftur hingað. Það er það sem er að gerast hjá honum. Við óskum honum að sjálfsögðu skjóts bata. Þetta er einstakt tilfelli og einstakar aðstæður, en ég hef talað við hann nokkrum sinnum og hann er alltaf í góðu skapi, svo hann kemst í gegnum þetta,“ sagði Carlisle.

Ristilveikindin (Herpes zoster) valda sársaukafullum húðútbrotum en þau orsakast af sömu veiru og veldur hlaupabólu.

Án stjörnuleikstjórnanda síns er sigurhlutfall Pacers aðeins 15 sigrar og 43 töp á þessu tímabili – sem er versti árangurinn í Austurdeildinni. Haliburton var með 18,6 stig og 9,2 stoðsendingar að meðaltali í leik á síðustu leiktíð.