Eld­járn kaupir Tölvutek á­samt lykilstarfsmönnum

Í fréttatilkynningu þess efnis segir að Tölvutek hafi veirð stofnað 2006 af Hafþóri Helgasyni og lykilstarfsmönnum, árið 2019 hafi Skyggnir, sem þá hét Origo, við félaginu og félagið hafi átt farsæl ár undir eignarhaldi Skyggnis með árlegum vexti og sókn. 

Tölvutek, sem fagni 20 ára afmæli sínu á árinu, sé með starfsstöðvar í Mörkinni í Reykjavík og í Undirhlíð á Akureyri. Félagið hafi frá stofnun lagt áherslu á að gera tæknina aðgengilegri, einfaldari og öruggari fyrir einstaklinga og fyrirtæki á Íslandi með snjöllum og hagkvæmum lausnum og framúrskarandi þekkingu og þjónustu við sína viðskiptavini. Markmið Tölvuteks sé að tryggja viðskiptavinum sínum aðgang að vönduðum búnaði á samkeppnishæfu verði, með faglegri ráðgjöf og áreiðanlegri þjónustu. 

„Það er mikil tilhlökkun hjá okkur að hefja samstarf við það frábæra starfsfólk sem starfar hjá Tölvuteki. Við byggjum á þeirri sterku vegferð sem félagið hefur verið á og markmið okkar er að styrkja reksturinn enn frekar og styðja við áframhaldandi vöxt og þróun,“ er haft eftir Bjarnólfi Lárussyni og Ásmundi Gíslasyni, eigendum Eldjárn Capital. 

Nýr eigendahópur Tölvuteks sameini víðtæka reynslu af rekstri, fjárfestingum og fjármögnun fyrirtækja ásamt því að hafa mikla og verðmæta þekkingu á starfsemi félagsins. Með fjárfestingunni sé markmiðið að skapa traustan grunn fyrir næsta vaxtarskeið félagsins og styðja við áframhaldandi uppbyggingu á íslenskum tölvu-,tækni- og heimilistækja markaði. 

„Ég vil þakka Skyggni fyrir samstarfið undanfarin ár og hlakka til framtíðarinnar og áframhaldandi sóknar Tölvutek með nýjum eigendum,“ er haft eftir Hafþóri Helgasyni, en hann muni áfram leiða rekstur félagsins. 

KPMG hafi verið ráðgjafi seljanda og Logos ráðgjafi Toptek við kaupin.